---

---

---

---

Hugo Laemmer,   Meletematum Romanorum Mantissa   (Ratisbonae: 1875), pp. 360-363:

 

A note of Cardinal Baronius
about his conduct during the Conclave

(Rome, 1605)

Notula autographa scripta manu Cardinalis Baronii
in qua narrat specialem visionem sibi ostensam tempore Conclavis Leonis XI,
et quomodo dedit manum ad creationem dicti Pontificis
ut ipse se ab ea dignitate securum redderet,
praecipue propter iuramentum quod fecerat de abstinendo a Summo Pontificatu

Ante votum et iuramentum emissum de abstinendo, etc. re ipsa perfectum, in contrarium nisus laboriosissime ante ingressum, favi causae Cardinalis Florentiae, nec defui usque ad finem, ne incurrerem in iuratam abstinentiam, longe abesse conabar, adeo ut offerentes patrocinium suum sive suffragium relicerem omnino.  Insuper his absterrui ab hoc eos, quibuscum loquutus de longaeva meorum parentum aetate et senectute viridissima, adivi contrariae factionis antesignanum, cui secreto significavi longe abesse, ut aegre ferrem et male acciperem ipsius studium in contrarium urgens, quin potius gratias agere et hortari perseveranter agere, ut rem mihi valde proficuam procurantem.  Alterum ex antesignatis adversariis exemplo David Semei lapidationes ad Deum referentis excusare studui, et ad Deum ista omnia iubentem retuli. Alterum ex iisdem qui stabat ab adversariis, pariter exire secreto rogavi, significans ei non rem mihi pergratam operari, numquam nutu saltem ab adversariis benevolentiam captare videri volui.  A nostrarum partium summo fautore enixe petii, ut abstinerent a suffragiorum in me profusa collatione, quae in aliorum invidiam quotidie agebatur. Quam vehementi studio egi apud eundem, ut absque mora urgeret in conferendo suffragia pro Cardinali Florentiae, quousque id perfectum est, alioqui semper hortatus collegas eligere aliquem in quem convenirent omnes.  Conclavistae delecti penitus inertes ad negodcia pontificatus tractanda processerunt iterum clam. Pleraque somnia, quae dixerim potius visiones, quae me diversis similitudinibus in summis constitutum periculis ostendebant, ut ex eis nullum esset effugium, nisi  Deus ipse magno miraculo eripuisset.  Inter alia illud unum commemorabo, in fluminis brevi insula esse videbar, eum statim e montibus torrentes in amnem magno impetu influentes magnam adluvionem facerent, sicque insula illa tegebatur paulatim aquis illis, mox universam operituris et me cum ipsa suffocaturis. Fecerunt cuncta ista in me, ut lucro ducerem, quando me a Pontificatu excluderent, censerem benefactores perturbatores, et quum tanti facerent alii illam summam dignitatem, ipse tamen contemnerem instar mercidi cuiusdam pomi.  Unum illud tantum post haec nobis accidit molestissimum, quod egrediens exclusis, familiares domesticos moestos inveni, cruciantes suo moere viscera mea, ut qui omnem spem quam conceperant iam evanuisse cognoscerent.   Erant ex eis et complures spirituales homines, me leviter arguentes, quod nimis obstinate ostitissem Dei voluntati; ad quod illa mihi responsio, quod si Deus voluisset, omnia illa potius contulisset, quae contraria videbantur, sicut cum Elias aquam sparsit, ut ignem incenderet de coelo.

---

Codex Vallicellanus Q 48 fol. 196 ff.

 

 

 

 

---

---