:

Luigi Fumi (Editor), Codice diplomatico della Citta di Orvieto (Firenze 1884) [Documenti di storia italiana, Tomo VIII] p. 375, dccxi:

Urbanus episcopus etc. Dilectis filiis etc.

Intelleximus quod nuper nobilis vir Silvester Budos de Britania miles cum nonnullis armorum gentibus britonibus transiens prope civitatem Urbevetanam, eandem civitatem libenter intrasset et vobis dulcibus verbis persuadere conatus extiit, ut eum civitatem ipsam permitteretis intrare, sed vos tamquam prudentes id facere recusatis. Unde circumspectionem vestram merito commendantes, volumus et devotionem vestram tenore presentium avisamus, quod si contingat ipsum Silvestrum vel aliquos alios de gentibus Britonium vel aliorum ultramontanorum alias ad nos reddire seu venire pro intrando dictam civitatem vel aliquod castrum seu fortilicium nostrum, nullatenus ipsos permittatis intrare. Et super hoc etiam informetis et advisetis ex parte nostra alias communitates terrarum vobis vicinarum in devotione nostra et R(omanae) E(cclesiae) permanentium, cum simus plene informati de mala intentione dictorum Silvestri et aliorum Britonium erga vos et alios devotos nostros et R(omanae) E(cclesiae) supradicte.

Datum Tibure viij kal. Augusti pontificatus nostri anno primo [July 25, 1378]

 

 

 

 

November 15, 2013 2:33 PM

John Paul Adams, CSUN
john.p.adams@csun.edu