---

Stephanus Baluzius [Étienne Baluze], Vitae Paparum Avinionensium Volume 2 (Paris: apud Franciscum Muguet 1693), columns 845-846:

Universis et singulis Christi fidelibus ad quos praesentes literae pervenerint miseratione divina Albanensis [Anglicus Grimoaldi (Angelic de Grimoard)], I(oannes) Sabinensis [Joannes de Blandiaco (Jean de Blauzac)], Petrus tituli sanctae Anastasiae [Pierre de Monteruc], et G(uilelmus) tituli sancti Vitalis [Guillaume de Chanac, OSB], P Ebredunensis [Petrus Amelii, Archbishop of Ebredun, Cardinal of S. Marco from December 1378], N(icholas). sancti Saturnini [Cardinal of S. Martino, from December 1378] Presbyteri, et H(ugo) sanctae Mariae in porticu [Hugues de Saint-Martial] Diaconus sanctae Romanae Ecclesiae Cardinales, Avinione commorantes, salutem et sinceram in Domino caritatem.

Ad vestrum notitiam deducimus per praesentes quod sanctissimus in Christo Pater Dominus Clemens Papa VII. ad diversas partes orbis terrarum destinandos duxit Reverendissimos in Christo Patres Dominos Iohannem Episcopum Penestrinensem [Jean de Cros] G. tituli Sancti Stephani in Coelio monte [Guillaume d'Aigrefeuille], G. tituli sanctae crucis in Hierusalem [Guido de Malosicco (Guy de Malsec)] Presbyteros, et P. sanctae Mariae in Cosmedin [Pedro de Luna] sanctae Romanae Ecclesiae Cardinales, vestrum omnes et singulos informaturos de iis quae nuper apud urbem inopinate permittente Domino evenerunt. Quare vos hortamur obnixius deprecantes quatenus veritatem impressionis Bartholomaei olim Barensis Archiepiscopi, se Urbanum Papam VI. hodie de facto nominantis, et declarationis contra ipsum factae per Dominos sanctae Romanae Ecclesiae Cardinales, necnon et canonicae electionis praefati Domini nostri Papae per ipsos vobis demonstrandam tanquam per illos qui inter omnes mortales una cum aliis Dominis Cardinalibus qui praemissis interfuerunt omnium actorum circa praemissa noverint plenissimanm veritatem, interessentes personaliter utrobique dum praemissa agerentur, recipiatis corde humili et devoto, sicut et nos recepimus et tenemus informati per ipsos et alios Dominos sacri collegii Cardinalium qui in rube et in civitate Fundorum personaliter intererant dum praedicta injuriosa intrusio dicti olim Barensis et canonica electio praefati Domini nostri Clementis actualiter agerentur.

Datum Avinioni sub nostrorum testimonio sigillorum die octava mensis Martii anno a nativitate Domini millesimo trecentesimo septuagesimo nono, Pontificatus dicti Domini nostri anno primo.

---