Sede Vacante 1623

July 8, 1623—August 6, 1623

Election of Urban VIII (Maffeo Barberini)

Diary of Paolo Alaleone


Joannes Baptista Gattico, Acta Selecta Caeremonialia Sanctae Romanae Ecclesiae ex variis mss. codicibus et diariis saeculi xv. xvi. xvii. Tomus I (Romae 1753), 352:

Anno 1623, die 18. Julii, defuncto Gregorio XV. Illustriss(imi) et R(everendissi)mi. DD. Cardinales in Congregationibus decreverunt facere scrutinium pro electione Summi Pontificis intus Capellam Apostolicam Sixti IV., et non in solita Capella Paulina, prout aliis temporibus factum est; in qua Capella Paulina fuerunt novem altaria pro celebrandis Missis pro devotione Cardinalium. Decreverunt etiam facere alias duas rotas in capite scalarum apud Aromatariam et Portam Conclavis in capite scalarum contra portam magnam ante Aromatariam; et ob maximos aestivos calores fecerunt construere 26 cellulas in lodia publicae benedictionis.

In Conclavi omni servata fuerunt prout dicitur in Caeremoniali Gregoriano. Die 6. Augusti servata forma Bullae et Caeremoniali fel. record. Gregorii XV. fuit electus unanimi consensu canonice in novum Pontificem Illustris. et Rms D. Maffaeus S. R. E. Cardinalis Barberinus Florentinus, qui in loco suo stans acceptavit hanc de se factam electionem requisitus ab Illistris. DD. Saulio Episcopo Ostiensi Decano S. Collegii S. R. E. Cardinalium, Borromeo Priore Presbyterorum Cardinalium, et ab Estense Priore Diaconorum Cardinalium, et ego rogatus fui praesentibus admod. RR. DD. Joanne Baptista Alaleone Magistro Caeremoniarum, et Mutio Riccerio Secretario Sacri Collegii S. R. E. Cardinalium.

Acceptata electione novus Pontifex electus cum crocea genuflexit ante altare rogans Deum, ut illum adjuvet ad substinendum hoc onus pontificale: deinde venit post altare Capellae Sixti IV, exuit se vestibus .... Papa electus ivit ad cellam Illustris. D. Cardinalis Burghesii, ubi quievit, et pransus est .... Post prandium ivit ad Capellam associatus ab Illustris. DD. Cardinalibus cum cappis etc. .... Novus Pontifex juravit solitas Bullas tactis sanctis Dei Evangeliis.

 


 

 

 

November 12, 2013 9:39 AM

©2011 John Paul Adams, CSUN
john.p.adams@csun.edu

Valid HTML 4.01 Transitional
Valid CSS!

| Home | | Papal Portraits Home | | Medals Bibliography | | Other Conclaves | | Conclave Bibliography |