SEDE VACANTE 1565-1566

December 9, 1565—January 7, 1566


Treaty between Cardinal Carlo Carafa and King Henri II

(July 23, 1556)



Guillaume Ribier (editor), Lettres et mémoires d' Estat des Roys, Princes, Ambassadeurs et autres Ministres , sous les Règnes de François premier, Henry II, et François II   Tome second (Paris 1666), pp. 649-650:

Monsieur le Cardinal Caraffe reduisant en memoire la bonne et parfaite volonte, amitie, ligue et confederation, qui est entre nostre saint Pere le Pape Paul IIII son oncle, et le Roy tres-Chrestien Henry II. de ce nom; les grandes demonstrations d'amour que ledit Seigneur Roy a faites audit Cardinal; les mal-heureux desseins des Imperiaux, tant contre la presonne du Pape sondit Oncle, que contre l'Estat de l'Eglise, lequel ils se sont mis, comme ils sont encores de present, en devoir de vouloir ruiner, faisant le Duc d'Albe et autres Ministres de l'Empereur et du Roy d'Angleterre prester serment de fidelite aux Sujets et Vassaux dudit estat de l'Eglise. au nom du futur Pape et du S. Siege Apostolique; qui n'est sans suffisant temoignage de l'esperance qu'ils ont d'avoir un Pape a leur devotion, qui leur delaisse entre les mains ce qu'ils ont occupe dudit Estat de l'Eglise, commencant deja a fortifier les places qu'ils ont prises, comme si c'estoit leur propre heritage et patrimoine. Pour toutes ces causes et autres tres-raisonnables considerations, ledit Sr. Cardinal Caraffe advenant la mort de nostredit saint Pere son Oncle qui est deja fort vieil, et estant lors de son trepas le Roy en guerre entre les ennemis de sa Saintete pour la tuition, protection et conservation d'icelle et du saint Siege Apostolique, a contracte et promis reciproquement les choses qui s'ensuivent avec Messire Jean d'Avanson, conseiller dudit Seigneur Roy, President en son grand Conseil, et son Ambassadeur pres sa Saintete, sous toutesfois le bon plaisir de sa Majeste, laquelle sera entendre sa volonte audit Cardinal dans deux mois prochains a compter du jour et datte de ce present Traite.

1. promet ledit Sr. Cardinal Caraffe de mettre dans les lieux et forteresses de Civita-vechia, Ancone, Orviette, Nepi, Civitacastellana, Perouse, Bologne et Ravenne, tels personnages et a luy tant fideles et confidens, qu' advenant la mort N. S. P. son Oncle lesdites places et leurs forteresses, et ce qu endepend, seront incontinent rendues et remises entre les mains du Roy, et de qui il luy plaira commander, pour estre dispose par luy, soit au Pape futur, s'il voit que bon soit, out atrement, comme il plaira a sa Majeste.

2. promet pareillement ledit Cardinal Caraffe de faire maintenir a la devotion du Roy les Estats de Paliano et de Castres; duquel Estat de Castres Monsieur le Duc de Paliano son frere sera, a l'arrive des premieres forces investi et revestu, comme il sera par apres, avec la commodite du temps, des Duchez de parme et de Plaisance, pour luy et ses descendans. Et al ce que sa Majeste perde l'occasion de penser, qu'on luy fasse un seomblable tour, que luy ont fait nagueres le Duc Octavio, et le Cardinal son frere, ledit Duc de Paliano envoyera au premier jour et a la premiere requisition dudit Seigneur Roy, avant l'execution des choses susdites, son fils unique en France; pour y faire sa residence aupres de Monseigneur le Faufin, et estre colloque en mariage a quelque fille de grande Maison, et si possible est, parente ou alliee du Roy.

Et en recompense des terres que dessus, sa Majeste promettra au susnomme fils du Duc Paliano Marquis de la Cave, l'Estat de Bourbonnois, ou autre Estat en France jusques a la concurrence de quarente mil ecus de revenu. Et promettra sa Majeste, qu'advenant la conqueste du Royaume de Naples, celuy de Messeigneurs les enfans du Roy, qui en sera couronne et investi par le Pape, epousera la fille dudit Duc de Paliano, niepse de sa Saintete, suivant le propos qui en a este par cy-devant tenu, et la promesse qui en a este faite audit Cardinal Caraffe; lequel procurera ladite investiture estre faite, suivant le contenu de la ligue, toutefois et quantes, qu'il plaira a la Majeste du Roy. Item promettra le dit Seigneur Roy audit Cardinal Caraffe, qu'incontinent que nostre saint Pere le Pape l'aura pourveu de la Legation d'Avignon et Vice-chancellerie de Rome, sa Majeste par mesme moyen le nommera a sa Saintete aux Evechez de Cahors, Viviers et tous autres benefices que tient ledit Cardinal Farneze in France; en sorte que ledit Cardinal, pour avoir meilleur moyen de s'entretenir a faire service a sa Majeste, puisse avoir de ses bien-faits jusques a cinquante mil ecus de rente en France. Item, pour le regard de l'Estat Siennois, sa Majeste en observera ce qu'il a promis audit Cardinal Caraffe; lequel en recompense de cela, nonobstant que le Port et Ville de Gayette fut reserve a nostre saint Pere par le traite de la ligue, promet de le rendre entre les mains de sa Majeste, s'il vient a estre conquis.

Toutes lesquelles choses ledit Cardinal en tant que luy touche, a promis en foy et serment de Gentilhomme, de garder et observer; et ledit Sieur d'Avanson pareillement si tel est le plaisir du Roy, comme dessus.

Fait a Rome, 23 Juillet.

Card. Caraffe.       D'Avanson.

 


 

November 12, 2013 8:56 AM

©2011 John Paul Adams, CSUN
john.p.adams@csun.edu

Valid HTML 4.01 Transitional
Valid CSS!

| Home | | Papal Portraits Home | | Medals Bibliography | | Other Conclaves | | Conclave Bibliography |