Guillaume Ribier (editor), Lettres et mémoires d' Estat des Roys, Princes, Ambassadeurs et autres Ministres , sous les Règnes de François premier, Henry II, et François II   Tome second (Paris 1666), pp. 258-259:

Sire,

Le 29 Dec. entrerent en Conclave les Cardinaux de Boulogne et d'Amboise, lesquels vinrent par mer jusques à Civita-Vechia: Monieur le Cardinal de Lorraine prit terre à Gennes, pensant par là faire meilleure diligence, et n'a pû estre icy si tost, à cause de la rudesse du chemin: tant y a qu'il arrivera demain, et à ce que j'entende, fort las et rompu: j'attends Monsieur le Cardinal de Bourbon sur la fin de cette semaine, ou au commencement de l'autre, selon ce qu'il m'a escrit de Thurin auquel lieu il s'est embarqué sur le Pau le 21. et designé de vinir à Ferrare et delà par terre par la Toscane jusques à Viterbe, auquel lieu je luy feray trouver chevaux frais.

Voila, Sire, comme les choses ont est é conduites; en sorte que Mrs. vos Cardinaux ont esté attendus, non obstant tous les grands efforts de la partie Imperiale, renforcée de Farnese et de tous les siens, et je puis dire à vostre Majesté que jusques icy vostre service a esté conduit avec authorité et grandeur; car vos Ministres n'ont encore plié pour vaines brauades qu'ils ayent entendues: mais au contraire, en ont usez eux-mesmes; ce qui me fait esperer que pour l'advenir des choses n'empireront. Monsieur le Cardinal de Guise vous en escrit amplement, auquel j'ay trouvé commodité de parler; mais c'est en eschellant le Palais, et pardessus les ruiles, et cette nuict mesme il m'a baillé le pacquet que je vous envoye; de plus m'a dit pour vous escrire, qu' outre le nombre des Cardinaux qu'il vous mande, tenant vostre party il en a acquis deux, qui sont Sainct-Ange [Ranuccio Farnese] et Visée [Alessandro Farnese]: Monsieur le Cardinal de Ferrare deux autres, à sçavoir Cibo et Doria; et par là vostre troupe augmente tousjours: ledit sieur de Guise m'a dit que Monsieur le Cardinal de Lorraine est en fort grande esperance, et qu'il voit les choes reduites en bons termes pour luy; et en cas qu'il n'en puisse venir à bout, il jette ses desseins sur Salviaty our Ridolphy: et que si l'un des 2. ne le pouvoit estre, il tend à Ste. Croix [Marcello Cervini] ou à Monte [Giovanni Maria Ciocchi del Monte], et s'asseure que l'un des cinq ne luy peut manquer. Il ne m'a point parlé de Ferrare, pour, à mon advis, ne s'en estre point souvenu: mais je pense que pour le moins il ne l'a en moindre recommandation que les autres: et pour ce qu'il craint que pour l'advenir les noms des susdits Cardinaux fussent descoverts, il a advisé de les surnommer, ainsi qu'il s'enfuit; à sçavoir Lorraine, Fourfoulou, Ferrare, Rigolieres, Salviaty, Brusquet, Ridolphi, Roustigoti, de Monte, Maistre Guillaume, Trany, Maistre Pierre, Saincte Croix, le Frazier; c'est le langage dont il vous escrira pour l'advenir, jusques à maintenant Farnese s'est monstré ferme pour le Card. d'Angleterre; ce qu'il ne fist jamais en aucune autre action, ainsi que vous avez pû connoistre; mais je pense qu'il l'a voulu plustost choisir pour mostrer sa fermeté sur un mauvais sujet, que pour un raisonnable, il s'est tousjours defendu ne se vouloir declarer ailleurs, attendant response de l'Empereur sur une lettre qu'il luy a escrite; laquelle response, l'on dit estre venue hier au soir: et à ce que j'en ay pû tirer, elle contient que sa Majesté persiste tousjour pour le Cardinal d'Angleterre.

20 Janvier.       D'Urfé

 

 

20 Janvier [1550] .

 

---

 

January 19, 2014 9:58 PM

©2011 John Paul Adams, CSUN
john.p.adams@csun.edu