Sede Vacante 1410

May 3—May 17, 1410

Excommunications of Gregory XII

(Holy Thursday, in coena Domini, 1411)

Augustinus Theiner (Editor), Caesaris S. R. E. Cardinalis Baronii, Od. Raynaldi et Jac. Laderchii Annales Ecclesiastici   Tomus Vigesimus Septimus 1397-1423 (Barri-Ducis: Ludovicus Guerin 1874), pp. 319-320:

Gregorius episcopus, servus servorum Dei, ad futuram rei memoriam.

Excommunicamus et anathematizamus ex parte Dei omnipotentis Patris et Filii et Spiritus Sancti, auctoritate quoque beatorum Apostolorum Petri et Pauli et nostra omnes haereticos Gazarenos, Patarenos, Pauperes de Lugduno, Arnaldistas, Speronistas, et Passaginos, et omnes alios haereticos quocumque nomine censeantur, et omnes fautores, receptatores et defensores eorum. Item excommunicamus et anathematizamus omnes piratas, cursarios et latrunculos marinos et omnes fautores, receptatores et defensores eorum. Item excommunicamus et anathematizamus omnes illos, qui equos, arma, ferrum, lignamina, vel alia prohibita deferunt Saracenis, quibus Christianos impugnant.Item excommunicamus et anathematizamus omnes falsarios Bullae seu litterarum nostrarum, et supplicationum gratiam vel justitiam concernentium. Item excommunicamus et anathematizamus omnes illos, qui ad Sedem Apostolicam venientes vel recedentes ab ea, necnon illo, qui jurisdictionem ordinariam vel delegatam aliquam non habentes in eadem curia morantes temeritate propria capiunt, spoliant, percutiant, mutilant et detinere praesumunt, et qui talia fieri faciunt seu mandant. Item excommunicamus et anathematizamus omnes illos, qui per se vel alium seu alios quascdumque personals Ecclesiasticas vel saeculares ad Romanam curiam super eorum causis et negotiis recurrentes, illasque in eadem curia prosequentes, et procuratores, gestores, advocatos, vel promotores eorum, vel etiam auditores, seu judices qui super causis et negotiis deputantur occasione causarum vel negotiorum hujusmodi, verberant, mutilant vel occidunt, cujuscumque praeeminentiae, dignitatis, ordinis, conditionis aut status fuerint, praedicta vel eorum aliqua committentes.

Item excommunicamus et anathematizamus occupantes, invadentes et detinentes civitatem nostram Romanam, et occupantes, detinentes et invadentes in toto vel in parte Patrimonium B. Petri in Tuscia, Ducatumque Spoletanum occupantes, detinentes et invadentes in parte Marchiam Anconitam, et in parte Romandiolam, Campaniam, Maritimam, civitates quoque nostras Bononiensem, Tudeertinam, Urbevetanam, Civitatem Castelli, Avenionem, regnum Sardiniae, et omnes defensores eorum.

Item excommunicamus et anathematizamus iniquitatis alumnum Petrum olim S. Mariae in Cosmedin vulgariter dictum de Luna diaconum cardinalem, nunc antipapam, qui Benedictum XIII se ausu temerario nominare praesumit, Ludovicum olim ducem Andegavensem, et omnes adhaerentes et sequaces eorum. Item excommunicamus et anathematizamus Henricum Tusculanum Neapolitanum, Antonium Penestrinum Aquileiensem, Antonium Sabinensem Tudertinum olim episcopos, Angelum olim tit. S. Potentianae Laudensem, Franciscum tit. SS. Quatuor Coronatorum de Burdea, Jordanum tit. S. Martini in Montibus de Ursinis presbyteros, Ryanaldum S. Viti in Macello de Brancaciis, Landulphum S. Nicolai in Carcere Tulliano Barensem, Baldasarrem tit. S. Eustachii apostaticum, qui iniqua temeritate se Joannem XIII nominare praesumit, Odonem S. Georgii ad Velum aureum de Columna, Petrum S. Angeli vulgariter nuncupatum, diaconos olim sanctae Romanae Ecclesiae cardinales, et sequaces eorum, non obstantibus quibuscumque privilegiis et indulgentiis eis vel eorum alicui, vel aliquantibus a praedicta Sede sub quavis forma vel tenore concessis, quod excommunicari non possint, quae contra hujusmodi nostras sententias et processus, quominus includantur in eis per ea valeant se tueri, quoad hoc prorsus tollimus et revocamus omnino: a quibus quidem sententiis nullus per alium, quam per Romanum Pontificem, possit nisi in mortis dumtaxat articulo constitutus absolvi, nec etiam tunc, nisi stando mandatis Ecclesiae satisfactione vel sufficienti cautione praemissis. Eos vero cujuscumque fuerint praeeminentiae, dignitatis, ordinis, conditionis aut status qui contra tenorem praesentium talibus vel eorum alicui absolitionis beneficium de facto impendere praesumpserint, excommunicationis et anathematis sententia innodamus, eisque interdicimus praedicationis, lectionis, administrationis sacramentorum, eet audienti confessiones officium, praedicentes aperte transgressoribus, et contempteribus praemissis, nos gravius contra eos spiritualiter ei temporaliter, prout expedire viderimus, processuros.

Datum Gajetae in palatio nostrae residentiae in die Coenae Domini Pontificatus nostri anno V.


 

 

November 11, 2013 12:17 PM

©2011 John Paul Adams, CSUN
john.p.adams@csun.edu

Valid HTML 4.01 Transitional
Valid CSS!

| Home | | Papal Portraits Home | | Medals Bibliography | | Other Conclaves | | Conclave Bibliography |