Sede Vacante 1410

May 3—May 17, 1410

A Papal Chronicle



Heinrich Finke, "Eine Papstchronik des XV. Jahrhunderts," Römische Quartalschrift 4 (1890), 340-362, at pp. 353-355:

... Alexander quintus nacione Grecus, primo archiepiscopus Mediolanensis, doctor in theologia, ordinis fratrum Minorum professor et deinde tituli basilice XII apostolorum presbyter cardinalis dictus Petrus de Candia, Pisis, anno domini M.CCCC.IX., die XXVI. mensis junii fuit electus [June 26, 1409], et die septima julii, que fuit dominica proxima post octavam Petri et Pauli, fuit coronatus [July 7, 1409]. In electione facienda intraverunt conclave XXIIII cardinales, quorum X fuerunt de parte Francigenarum et qui recesserant ab eorum antipapa Benedicto XIII., et XIIII Ytalici, qui recesserant ab Errorio [Gregorio] et ex hiis dubous collegiis fuit fuit factum unum collegium. Et depositis per concilium Pisanum, [354] quod tunc fuit celebratum, Petro de Luna et Angelo de Corario elegerunt unanimiter dictum Alexandrum, qui vixit anno uno, mensibus X minus IIII diebus a die coronacionis sue et obiit anno domini M.CCCC.X., die sabbati tercia maii de sero, hora quinta noctis [Saturday, May 3, 1410, around 10 p.m.] in Bononia, et fuerunt peracte exequie, prout scripsi de exequiis Innocencii septimi. Ibi invenies. Et fuit sepultus Bononiae in ecclesia fratrum Minorum et die mercurii XIIII. mensis maii [Wednesday, May 14, 1410] domini cardinales intraverunt conclave in Bononia. Item die sabbati [Saturday, May 17, 1410] elegerunt Johannem XIII., ut infra continetur.

Johannes XXIII. nacione Neapolitanus dictus Baldassar Cossa, tunc s. Eustachii dyaconus cardinalis et legatus Bononiensis, fuit electus de anno domini M.CCCC.X. in papam et die sabbati XXIIII. mensis maii [May 24, 1410] fuit consecratus in episcopum ac die dominico XXV. praefati mensis [May 25, 1410] fuit coronatus in papam. Idem papa prius ante suam electionem fuit homo strenuus in armis et multum prefuit et eciam prefuit dominis cardinalibus quo ad subvencionem victualium et alias oportunorum et sui induccione prefatus pie memorie Alexander de Pisis Pistorium et de Pistorio Bononiam preter multorum voluntatem se transtulit. Hic de anno M.CCCC.XI. ex abrupto die martis ultima marcii [Tuesday, March 31, 1411] recessit a Bononia et prima nocte ivit in Petramala, secunda in Barbarino, tercia nocte in Sancto Cassiano, quarta nocte in Senis, quinta in Petriolo, sexta in Paganico, septima in Maliano, octava in Montaldo, nona in Corneto, decima in Sutrio, undecima scilicet die veneris ante pascha [Holy Thursday, April 9, 1411] nocte pernoctavimus in urbe. Dominus noster papa vero remansit in S. Brancacio et intravit die sabbati proxima sequenti [Holy Saturday, April 11, 1411] cum magna solempnitate.

Hic licet primo in sui papatus exordio se strictum in graciis faciendis reddidisset et totam curiam juxta consilia peritorum curie Romane reformare se velle asseruit, tamen ante finem quarti anni sui pontificatus in graciis faciendis largissimus fuit et quasi totam curiam deformavit. Ipse enim Rome die mercurii penultima aprilis in consistorio publico generali indixit et publicavit locum urbis Rome pro generali concilio celebrando, quod quidem fuit in ipsa urbe tempore deputato debiliter inceptum et debilius consummatum. Ipse enim per pirus in eodem anno, quo applicuit Romam, posuit campum contra Ladislaum regem Neapolitanum in Campania, cui obvians ipse rex cum genet sua, que reputabantur in duobus mille lanceis excedere saltim numero non tamen fortitudine et industria, ut ipse eventus demonstravit, gentem pape, cujus fuit capud rex Ludovicus rex Sicilie Francigena, set director ipsarum gencium Paulus de Ursinis, notabilissimus capitaneus ecclesie....


See: Hermann Blumenthal, "Johann XXIII., seine Wahl und seine Persönlichkeit. Eine Quellenuntersuchung," Zeitschrift für Kirchengeschichte 21 (Gotha 1900), 488-516, at 491-492.

 

 

 

November 11, 2013 12:10 PM

©2011 John Paul Adams, CSUN
john.p.adams@csun.edu

Valid HTML 4.01 Transitional
Valid CSS!

| Home | | Papal Portraits Home | | Medals Bibliography | | Other Conclaves | | Conclave Bibliography |