Sede Vacante 1185

B. Pallasticci (editor), Chronica tria Placentina a Johanne Codagnello, ab Anonymo, et a Guerino conscripta (Parmae: 1859), 11-13:

MCLXXXIIII. Mense septembri, Federicus imperator venit in Lombardiam et intravit primo in Mediolanum et postea Papiam et postea Cremonam, posteaque ivit Veronam circa octavam sancti Michaelis ad colloquium cum domino papa Lucio qui ibi aderat, et ibi stetit per longum tempus. Postea ivit Vicentiam et Paduam et Trivisium et postea redivit Veronam et ivit Brixiam, postea Pergamum, dein Laude, postea Placentiam; postea ivit Burgum et Parmam et Regium et postea Mutinam et Bononiam. Deinde redivit Placentiam et Papiam et Mediolanum, et collegit exercitum magnum, scilicet milites mediolanenses et pedites cum carocio et ducentos milites Placentiae cum quadam parte pergamensium et brixiensium et cum paucis militibus Novariae, Vercellarum et Terdone, Parme, Regii, Mutine, Bononie, Imole et Feancie, et equitavit ad Cremam levandam et posuit cremascos intus locum Creme, in MCLXXXV. die martis VII . mensis madii [Tuesday, May 7, 1185] proximo circa horam vespertinam, et rehedificaverunt locum illum de fossis et aliis rebus; et multi rustici de comitatu Mediolani et de comitatu Placentie iverunt ad fossas Creme faciendas. Et stetit ibi cum illo exercitu per mensem unum tantum, et totus madius suctus fuit et non pluit de illo mense. Et tunc erat discordia inter ipsum imperatorem et cremonenses, quia contra eorum voluntatem rehedificavit Cremam.

Post circa kalendas julii [ca. July 1, 1185] predictus imperator ivit cum theothonicis et cum aliquantis lombardis ad accipiendum dominam Constanciam amicam [i.e. amitam] regis Guillelmi de Apulia in virum et uxorem Anrici regis filii sui, et habuit ex ea plus CL. equos oneratos auri et argenti et xamitorum et paliorum et grisiorum et variorum et aliarum bonarum rerum.

Est in ultima septembri reliquie sancti Syxti fuerunt invente Lavalo [Tedaldo?] subtus tertium altare de confessione versus sero, et tunc via que vadit juxta ecclesiam sancte Crucis de Fosusta fuit aptata et ampliata. Et tunc fuit maxima habundantia vini, sic quod dabatur in vezola de Fofusta pro XVIII. denariis et XV. et etiam pro XII. denariis et in Rizolo pro tribus solidis et in sancto Damiano et in Turiano pro quatuor solidis, et starius frumenti pro XIIII. denariis, et starius sicalis pro decem, et starius spelte pro quinque et dimidium.

Die Veneris V. Kalendas Novembris [Friday, October 28, 1185] proximo domina Constantia regina sponsa regis Anrici intravit Placentiam. Eodem anno circa kalendas decembris obiit papa Lucius, et levatus fuit papa Urbanus qui tunc erat archiepiscopus Mediolani. Die lune VI. kalendas februarii [Monday, January 27, 1186] in civitate Mediolani desponsata fuit ista domina per regem Enricum, et coronatus fuit ille Enricus et sponsa similiter; et illo anno castrum de ultra Pado fuit levatum.

MCLXXXVI. Prima ebdomada madii [early May, 1186] Federicus imperator cum carocio mediolanensi et cum omnibus militibus et peditibus, cum alexandrinis et laudensibus et cremaschis et cum ducentis militibus Placentie et cum paucis militibus Bononie, Mutine et Regii et Parme et Vercellarum et Terdone, equitavit in comitatu Cremone, et devastavit omnia que potuit circa Suncinum et pervenit ad castrum Manfredi, non multum longe a Crema, et bosedit illud; et in die dominico octavo mensis junii [Sunday, June 8, 1186] facta est concordia inter ipsum imperatorem et cremonensis....