Chapter 14 Reading Practice
From the Anglo-Saxon Chronicle entry for 877:
Her cuom se here into Escanceastre from Werham, 7 se sciphere sigelede west ymbutan, 7 þa mette hie micel yst on sæ, 7 þær forwearþ .cxx. scipa æt Swanawic. 7 se Cyning Ælfred æfter þam gehorsudan here mid fierde rad oþ Exanceaster 7 hie hindan ofridan ne meahte ær hie on þam fæstene wæron þær him mon to ne meahte. 7 hie him þær foregislas saldon. swa fela swa he habban wolde, 7 micle aþas sworon, 7 þa godne friþ heoldon.